ពលរដ្ឋជប៉ុនដង្ហែលិង្គយក្សដើម្បីទទួលសព្ទសាធុការពរ

ក្រុងតូក្យូ: ពិធីបុណ្យដង្ហែលិង្គប៉ានដែក ស៊ីណូ កាណាម៉ារ៉ា ម៉ាត្សឹរិ ត្រូវបានប្រារឰរៀងរាល់និទាឃរដូវនៅព្រះវិហារកាណាយ៉ាម៉ា ក្នុងក្រុងកាវ៉ាសាគិ ប្រទេសជប៉ុន។ កាលបរិច្ឆេទរមែងប្រែប្រួលដោយបុណ្យនេះធ្វើឲ្យចំថ្ងៃអាទិត្យដើមសប្ដាហ៍នៃខែមេសា។ លិង្គជាវត្ថុដ៏សំខាន់ក្នុងពិធីដែលត្រូវបានផលិតពីស្ករគ្រាប់ និងបន្លែឆ្លាក់ រួចមកដង្ហែជាក្បួនមីកូស៊ិ។ មានរឿងតំណាលថា បិសាចចង្កូមស្រួច (យោនីមានធ្មេញសស្ងាច) លាក់ខ្លួនក្នុងយោនីរបស់នារីវ័យក្មេងម្នាក់ និងបានក្រៀវបុរស ២ នាក់នៅថ្ងៃរៀបអាពាហ៍ពិពាហ៍។ ចុងក្រោយ នារីវ័យក្មេងនោះបានរកជំនួយពីជាងដែកដែលបានរចនាលិង្គដែកមួយដើម្បីឲ្យបិសាចខាំបាក់ធ្មេញ ដែលនាំឲ្យមានការគោរពដល់លិង្គដែករហូតដល់សព្វថ្ងៃ។ ទីសក្ការៈកាណាយ៉ាម៉ា ទទួលបានការគាំទ្រខ្លាំងពីសំណាក់នារីរកស៊ីផ្លូវភេទដែលបួងសួងឲ្យវត្ថុស័ក្ដសិទ្ធិជួយការពារពួកគេពីជំងឺឆ្លងផ្សេងៗ។ គួរឲ្យជឿថា ទីសក្ការលិង្គក៏បានផ្ដល់ការការពារចំពោះភាពរីកចម្រើននៃមុខជំនួញ និងបក្ខសម្ព័ន្ធ ការសម្រាលបុត្រប្រកបដោយសុខភាព អាពាហ៍ពិពាហ៍ស្មោះស្ម័គ្រ និងសេចក្ដីសុខនៃក្រុមគ្រួសារ។ ជាអកុសល មិនដូចពីឆ្នាំមុន អាកាសធាតុពេលនេះមិនអំណោយផលទេ ដោយមានភ្លៀងខ្លាំង ប៉ុន្ដែវាមិនបានបង្អាក់ចិត្ដអ្នកស្វែងរកឱកាសនេះទេ។ ពិធីបុណ្យបានចាប់ផ្ដើមក្នុងឆ្នាំ ១៩៧៧ ដែលប្រារឰឡើងជាពិធីតូចតាចប៉ុណ្ណោះ។ ប៉ុន្ដែវាបានរីកកាន់តែធំឡើងៗ រហូតដល់សព្វថ្ងៃបុណ្យនេះក្លាយទៅជាទិសដៅទេសចរណ៍ និងជាឱកាសរៃអង្គាសប្រាក់សម្រាប់សិក្សាស្រាវជ្រាវជំងឺហ៊ីវ។

ប្រជាជនគ្រប់ជាតិសាសន៍បានមកជួបជុំគ្នានៅក្នុងពិធីនេះដើម្បីទស្សនាលិង្គយក្ស និងទទួលទានស្រាបៀរពេលព្រលឹមអុរ។ កន្លែងពិធីពិតជាមានមនុស្សម្នាកុះករ ហើយគ្មានវិថីណាមួយត្រូវបានបិទឡើយនាំឲ្យមានការប្រជ្រៀតគ្នាមើលការដង្ហែលិង្គយក្ស។ លិង្គនិមិត្តរូប ៣ ប្រភេទដែលត្រូវបានដង្ហែនៅតាមវិថីនានាគឺជាកាណាម៉ារ៉ា បូត មីកីស៊ិ (លិង្គវែងពណ៌ខ្មៅ) អេលីហ្សាប៊េត មីកូស៊ិ (លិង្គធំពណ៌ផ្កាឈូក) និង កាណាម៉ារ៉ា ប៊ីក មីកូស៊ិ (លិង្គរ៉ុក្កែតផលិតពីឈើ)។ ពួកវាត្រូវបានដង្ហែតាមវិថីរយៈពេល ២-៣ ម៉ោងដើម្បីឲ្យមនុស្សគ្រប់គ្នាបានគយគន់ ឬក៏ថតរូបមុនពេលត្រឡប់ទៅកាន់ទីសក្ការៈវិញ។ ខណៈលិង្គទាំង ៣ នេះកំពុងបង្ហាញខ្លួនត្រដែតត្រដឹម នៅបរិវេណទីសក្កាៈក៏មានកម្មវិធីសម្ដែង និងប្រគំតន្ដ្រីផងដែរ។ តាមស្ដង់លក់ម្ហូបអាហារ និងភេសជ្ជៈ អាជីវករជប៉ុនលក់វត្ថុអនុស្សាវរីយ៍បន្ដោងសោលិង្គ គ្រឿងអលង្ការ ប៊ិក លិង្គជ័រ និងនំសូ ប្រភព

top quoted

ពលរដ្ឋជប៉ុនដង្ហែលិង្គយក្សដើម្បីទទួលសព្ទសាធុការពរ

0 Response to "ពលរដ្ឋជប៉ុនដង្ហែលិង្គយក្សដើម្បីទទួលសព្ទសាធុការពរ"

Post a Comment

Interest relate

Entri Populer

ពលរដ្ឋ​ជប៉ុន​ដង្ហែ​លិង្គ​​​យក្ស​ដើម្បី​ទទួល​សព្ទសាធុការពរ

0 Response to "ពលរដ្ឋ​ជប៉ុន​ដង្ហែ​លិង្គ​​​យក្ស​ដើម្បី​ទទួល​សព្ទសាធុការពរ"