ទម្លាយការពិត អំពីការ រកលុយតាមរយៈ Google AdSense ដែលកំពុងតែក្តៅ!

បើសិនជា ប្រិយមិត្តវិញ ធុញទ្រាន់ដែរទេ ពេលដែល នៅលើហ្វេសប៊ុក ពោរពេញ ទៅដោយ វេបសាយ មួយចំនួន ចូលចិត្តបង្ហោះតែ Link ផ្តេសផ្តាស ក្នុងលក្ខណៈ ឲ្យតែបាន អ្នកចុចចូលមើល? មួយរយៈចុងក្រោយ នាឆ្នាំ ២០១៤ នេះ Khmerload សង្កេតឃើញថា វេបសាយ បង្កើតតាម Blogger រីកដូចផ្សិត ក្រោយពីអ្នកប្រើ អ៊ិនធើណេតស្រុកខ្មែរ ហាក់មានការ យល់ដឹងច្រើន ពីការរកលុយ តាមអនឡាញ ឬ និយាយឲ្យចំៗ ពី Google AdSense នេះតែម្តង។

ប្រិយមិត្តខ្លះ ប្រហែលជា ធ្លាប់លឺ ឬ ស្គាល់ហើយ ខណៈខ្លះទៀត អាចនឹង ធ្លាប់តែលឺ គេនិយាយ ថារកលុយបានច្រើន តែមិនដឹងថាគេ ធ្វើរបៀបម៉េច។ កត្តានេះហើយ ដែលមនុស្ស មួយចំនួន ឆ្លៀតឱកាស រកលុយ ពីអ្នកមិនចេះ ឧទាហរណ៍ជាក់ស្តែង តែម្តង ប្រិយមិត្ត ធ្លាប់ដែលឃើញគេ ផ្សាយពីរឿង បង្រៀនរកលុយ តាមអនឡាញ ដូចជា Google AdSense, YouTube -ល- និង -ល- ហ្នឹងដែរទេ? ប្រាកដណាស់ វាអាចរកបានមែន តែមិនមែន ងាយស្រួល ដូចយើងគិត និង លឺគេ និយាយនោះទេ។ប្រភព